Корея Республикасына шығатын ҚР-ның азаматтары үшін ақпарат

2014 ж. 19 маусымда қол қойылған Қазақстан Республикасы Үкіметі мен Корея Республикасы Үкіметі арасындағы виза талаптарынан өзара бас тарту туралы келісімге сәйкес ҚР азаматтары жарамды жол жүру құжаттары бойынша (ҚР ұлттық паспортпен) визасыз төмендегі мақсаттармен Корея Республикасына барады және 30 күндік мерзімде үздіксіз онда бола алады:

  • -Туристтік мақсатпен,
  • -Іскерлік сапармен;
  • -Емделу және сауығу мақсатымен;
  • -Жеке сапармен (туысқандарына, достарына және таныстарына).

Осы ретте, аталған Келісімнің ережелері Корея Республикасына төмендегі мақсатпен баратын тұлғаларға қолданылмайды:

  • -Жұмысқа орналасу;
  • -Оқуға;
  • -Тұрақты тұруға;
  • -Миссионерлік мақсатпен.

Бұл жағдайда Қазақстаннан Корея Республикасына шығудан бұрын Корея Республикасының Астанадағы Елшілігінде немесе осы елдің Алматыдағы Бас консулдығында тиісті санаттағы визаны алдын ала ресімдеуі қажет. Олай болмаған жағдайда Корея Республикасының заңнамасына сәйкес осы елдің көші-қон билігі сіздің елге кіруіңізге бас тартуы және депортация тәртібін қолдануы мүмкін.

Оңтүстік Кореяның заңнамасына сәйкес осы елдің көші-қон қызметінің қызметкерлері мәлімделген сапарының мақсаты іс жүзіндегі ниетімен сәйкестігін анықтау үшін кезкелген шетелдік азаматтардан келген кезде сұрау жүргізуге және жауаптарында айырмашылық болған жағдайда жоғары аталған Келісімнің 7-бабына сәйкес олардың елге кіруіне бас тартуға құқылы екендігіне назар аудартамыз.

Осыған орай, Корея Республикасына баратын барлық Қазақстан азаматтарға сапар мақсатына қарамастан кері қайту билеті және қонақ үйді брондау қағазы болуына, көші-қон картасында (халықаралық әуежайда келу кезінде толтырылады) өзінің сапарының мақсатын нақты көрсетілуіне, Корея Республикасында уақытша тұратын мекенжайы, күтіп алушы/шақырушы тұлғаның/ұйымның (серіктестік-компания, турагенттік, медициналық мекемелер) аты-жөні, атауы және байланыс туралы мәліметтері толық жазылуына аса назарға алуды сұраймыз. Күтіп алушы/шақырушы тұлғалар/ұйымдар Сіздің визасыз 30 күннен аспайтын мерзімде Корея Республикасында заңды болуыңызға және уақытылы елге кері қайтуыңызға кепіл болуы тиіс. Олай болмаған жағдайда Кореяның көші-қон билігі сіздің елге кіруге рұқсат беруден бас тартуы ықтимал.

Сонымен қатар, Корея Республикасына барар алдында медициналық сақтандыруды алдынала ресімдеген дұрыс, бұл елде тегін медициналық қызмет көрсету қарастырылмаған.

Қосылған : 16.06.2017, 14:50, Өзгертілген : 5.11.2018, 17:55