Басшылық


МИНИСТРДІҢ БІРІНШІ ОРЫНБАСАРЫ

ТІЛЕУБЕРДІ МҰХТАР БЕСКЕНҰЛЫ

1968 жылғы 30 маусымда туған. С.М. Киров атындағы Қазақ мемлекеттік университетінің философия-экономика факультетін бітірген, М.В.Ломоносов атындағы Мәскеу мемлекеттік университеті жанындағы Азия және Африка институтында және Йенсе Университеті (Корей Республикасы) жанындағы Тілдер институтында тәжірибе алған.

Университетті аяқтағаннан кейін Әл-Фараби атындағы ҚазҰУ-дің философия тарихы және қытай филологиясы кафедраларында жұмыс істеген.

ҚР СІМ-дегі дипломатиялық қызметін 1993 жылы атташе болып бастады, Орталық аппараттағы мансаптық өрлеуі барысында Азия елдері басқармасының үшінші хатшысы, Азия департаментінің бірінші хатшысы, Екіжақты ынтымақтастық департаментінің бөлім бастығы лауазымдарын иеленді. Шетелде ҚР-дың Корей Республикасындағы Елшілігінде екінші хатшы және ҚР-дың Израиль Мемлекетіндегі Елшілігінде кеңесші болып қызмет етті.

ҚР Президентінің Әкімшілігінде Мемлекеттік хатшының сыртқы саясат мәселелер жөніндегі кеңесшісі лауазымында жұмыс істеді. 2003 жылы Сыртқы істер Вице-Министрі болып тағайындалды.

2004 жылы ҚР-дың Малайзиядағы Төтенше және Өкілетті Елшісі және 2005 жылдан бастап Индонезия Республикасындағы, Брунейдегі, Даруссаламдағы және Филиппин Республикасындағы Елшісі қызметін қоса атқарды.

2009 жылы ҚР-дың Швейцария Конфедерациясындағы Төтенше және Өкілетті Елшісі болып тағайындалды және Лихтенштейн Княздігі мен Ватикан Мемлекетінде Елші қызметін қоса атқарды, сонымен қатар Женевадағы БҰҰ-ның Бөлімшесінде және басқа да халықаралық ұйымдарда ҚР-дың Тұрақты Өкілі болды. 2015 жылы ҚР-дың Иерусалимдік Әулие Иоанн Егеменді Әскери Госпитальерлер Ордені жанындағы, Родостағы және Мальтадағы қоса атқарушы Елші болып аккредиттелді.

2016 жылдың наурызынан бастап – ҚР Сыртқы істер Министрінің Бірінші орынбасары.

«Қазақстан Конституциясына 10 жыл» (2005 ж.), «Қазақстан Республикасының Парламентіне 10 жыл» (2006 ж.), «Астананың 10 жылдығы» (2008 ж.), «Қазақстан Республикасының Тәуелсіздігіне 20 жыл» (2011 ж.), «ШЫҰ-ға 10 жыл» (2011 ж.), «Қазақстан Конституциясына 20 жыл» (2015 ж.), “Қазақстан Республикасының тәуелсіздігіне 25 жыл", (2016 ж.); “Қазақстан Республикасының дипломатиялық қызметіне 25 жыл", (2017 ж.); “Астана 20 жыл", (2018 ж.) мерейтойлық медальдарымен және «Ерен еңбегі үшін» (2014 ж.), медалімен марапатталған. ҚР Президентінің алғыстары жарияланған (2003 ж., 2010 ж.).

Төтенше және Өкілетті Елші дипломатиялық дәрежесі бар.

Ashikbayev

МИНИСТРДІҢ ОРЫНБАСАРЫ

АШЫҚБАЕВ ЕРЖАН НИГМАТУЛЛАҰЛЫ

1974 жылы 16 маусымда Алматы қаласында туған. 1998 жылы Әл-Фараби атындағы Қазақ мемлекеттік ұлттық университетін бітірген, халықаралық қатынастар саласының маманы, екі шет тілін меңгерген референт-елтанушы.

2012 жылы Гарвард университетінің Дж. Ф. Кеннеди атындағы Мемлекеттік басқару мектебі магистратурасының мемлекеттік басқару мамандығын бітірген, «Болашақ» бағдарламасының стипендиаты. 1998-1999 жылдары Қазақстан Республикасы Сыртқы істер министрлігі Төртінші департаментінің Азия, Таяу Шығыс және Африка басқармасының референті.

1999-2001 жылдары Қазақстан Республикасы Сыртқы істер министрлігі Халықаралық экономикалық ынтымақтастық департаментінің атташесі, үшінші, екінші хатшысы. 2001-2002 жылдары Қазақстан Республикасы Сыртқы істер министрлігі Экономикалық саясат департаментінің Еуропа және Америка елдерімен экономикалық ынтымақтастық бөлімінің бастығы.

2002-2005 жылдары Қазақстан Республикасының Бельгия Корольдігіндегі Елшілігінің бірінші хатшысы. 2005 жылғы наурыздан маусымға дейін Қазақстан Республикасы Сыртқы істер министрлігі Халықаралық гуманитарлық және экономикалық ынтымақтастық департаменті директорының орынбасары.

2005-2007 жылдары Қазақстан Республикасы Сыртқы істер министрі Кеңсесінің жетекшісі. 2007-2009 жылдары Қазақстан Республикасы Сыртқы істер министрлігі Халықаралық ақпарат комитетінің төрағасы.

2009-2011 жылдары Ерекше тапсырмалар жөніндегі елші - Қазақстан Республикасы Сыртқы істер министрінің кеңесшісі. 2012 жылғы қыркүйектен қазанға дейін Қазақстан Республикасы Премьер-Министр Кеңсесі Басшысының орынбасары.

2012-2013 жылдары Қазақстан Республикасы Президенті Әкімшілігінің Сыртқы саясат орталығының меңгерушісі.

2013 жылғы желтоқсаннан Қазақстан Республикасы Сыртқы істер министрінің орынбасары.

ҚР құрмет грамотасы, 2007 ж.; ҚР Президентінің алғысы, 2010 ж.; “Ерен еңбегі үшін" медалі, 2014 ж.; “Қазақстан халқы Ассамблеясына 20 жыл", 2015 ж.; “Қазақстан конституциясына 20 жыл", 2015 ж.; “Қазақстан Республикасы Ішкі істер министрлігі Төтенше жағдайлар комитетіне 20 жыл", 2015 ж.; “Қазақстан Республикасының тәуелсіздігіне 25 жыл", 2016 ж.; “Қазақстан Республикасының дипломатиялық қызметіне 25 жыл", 2017 ж.; “ҚР ҰҚК шекара қызметіне 25 жыл", 2017 ж.; “Астана 20 жыл" , 2018 ж. мерейтойлық медальдарымен марапталған.

Ағылшын, түрік және француз тілдерін меңгерген.

I сыныпты Төтенше және Өкілетті Уәкіл дипломатиялық дәрежесі бар.

Үйленген, екі баласы бар.

МИНИСТРДІҢ ОРЫНБАСАРЫ

ВАСИЛЕНКО РОМАН ЮРЬЕВИЧ

1972 жылы 14 тамызда Шымкент қаласында туылған.

1994 ж. – Ресей Федерациясы Қарулы күштерінің Экономика, қаржы және құқық әскери академиясын үздікке бітірген.

1994-1996 жж. – Қазақстан Республикасы Президенті Аппаратының Халықаралық бөлімінің жетекші маманы, референт.

1996-1999 жж. – ҚР Ұлыбритания және Солтүстік Ирландия Құрама Корольдігіндегі Елшілігінің үшінші хатшысы, екінші хатшысы.

1999-2000 жж. – Қазақстан Республикасы Премьер-министрі Кеңсесі Басшысының көмекшісі.

2000-2007 жж. – ҚР Америка Құрама Штаттарындағы Елшілігінің бірінші хатшысы, кеңесшісі.

2007-2009 жж. – Қазақстан Республикасы Мемлекеттік Хатшы Хатшылығының бас инспекторы; Қазақстан Республикасы Президенті Кеңсесінің кеңесшісі; Қазақстан Республикасы Мемлекеттік Хатшының Хатшылығы меңгерушісінің орынбасары.

2009-2012 жж. – Қазақстан Республикасы Сыртқы істер министрлігінің Халықаралық ақпарат комитетінің төрағасы.

2012-2013 жж. – «Назарбаев орталығы» көпфункционалды ғылыми-талдамалы және гуманитарлық-ағартушылық мемлекеттік мекемесі директорының орынбасары.

2013-2014 жж. – ҚР СІМ ерекше тапсырмалар жөніндегі елшісі.

2014-2016 жж. – ҚР СІМ Халықаралық ақпарат комитетінің төрағасы.

2016 жылғы 4 наурыздан Қазақстан Республикасы Президентінің Өкіміне сәйкес Қазақстан Республикасы Сыртқы істер министрінің орынбасары болып тағайындалды.

I сыныпты Төтенше және Өкілетті Уәкіл дипломатиялық дәрежесі бар.

Ағылшын, француз және вьетнам тілдерін меңгерген.

«Ерен еңбегі үшін» (2008), «Құрмет» ордені (2016), мерейтойлық медальдарымен марапатталған.

Үйленген, үш баласы бар.


МИНИСТРДІҢ ОРЫНБАСАРЫ

СЫЗДЫҚОВ МАРАТ ЗЕНИКЕНҰЛЫ

1966 жылы 27 сәуірде Щучинск қаласында туған.

1991 жылы С.Сейфуллин атындағы Целиноград мемлекеттік педагогикалық институтын, ал 2006 жылы Ресей СІМ Дипломатиялық академиясын бітірген.

1991-1992 – Целиноград қаласындағы №7 орта мектебінің тарих мұғалімі.

1992-1998 – С.Сейфуллин атындағы Целиноград мемлекеттік педагогикалық институтының Жаңа және қазіргі заман тарихы кафедрасының оқытушысы.

1998-1999 – ҚР Президенті Әкімшілігінің Талдау және стратегиялық зерттеулер орталығының сарапшысы.

1999-2002 – ҚР Президенті Әкімшілігінің Қауіпсіздік кеңесінің сарапшысы, Талдау орталығының сектор меңгерушісі.

2002-2010 – Қазақстанның Ресейдегі Елшілігінің екінші хатшысы, бірінші хатшысы, кеңесшісі.

2010-2014 – ҚР Президенті Әкімшілігінің Сыртқы саясат орталығы меңгерушісінің орынбасары.

2014-2019 – ҚР Ресейдегі Елшілігінің Кеңесші-уәкілі.

2019 жылғы 26 наурыздан бастап Қазақстан Сыртқы істер министрінің орынбасары.

I-ші сыныпты Кеңесші дипломатиялық дәрежесі бар.

МИНИСТРДІҢ ОРЫНБАСАРЫ

КӨШЕРБАЕВ ЕРМЕК БЕДЕЛБАЙҰЛЫ

1965 жылы 2 мамырда Алматы қаласында дүниеге келген.

1988 жылы C.Киров атындағы Қазақ Ұлттық университетін шет тілінде оқытатын тарихшы мамандығы бойынша тәмәмдады.

1993 жылы КСРО Дипломатиялық академиясын халықаралық қатынастар және сыртқы саясат мамандығы бойынша аяқтады.

1998 жылы қаңтар-мамыр айларында Алматы қаласының №170 орта мектебінің тарих пәні ұстазы.

1988-1991 жж. - ҚазССР Сыртқы істер министрлігінің құпия іс қағаздарын жүргізу бойынша аға инспекторы, екінші хатшысы, бірінші хатшысы, Сыртқы істер министрінің көмекшісі.

1993-1994 жж. – Қазақстан Республикасының Сыртқы істер министрлігінің Мемлекеттік протокол басқармасының бірінші хатшысы, бөлім меңгерушісі.

1994-1996 жж. - Қазақстан Республикасының Президенті Аппаратының Халықаралық бөлімінің консультанты, Президент Аппараты Протокол қызметі басшысының міндетін атқарушы.

1996-1997 жж. – Қазақстан Республикасының Швейцария Конфедерациясындағы Елшілігінің бірінші хатшысы.

1997 жылы Қазақстан Республикасы Сыртқы істер министірлігінің Көпжақты ынтымақтастық департаментінің Азиялық қауіпсіздік бөлімнің басшысы.

1997-1999 жж. Қазақстан Республикасы Премьер-Министрінің көмекшісі. 2000 жылдың қаңтар-қараша айларында «Нұрсұлтан Назарбаев білім фонды» директорының бірінші орынбасары.

2000-2001 жж. - баспасөз қызметінің басшысы, «ҚазТрансОйл ҰК» ЖАҚ-ның президент аппаратының басшысы.

2001-2003 жж. - аппарат басшысы, бірінші вице-президент кеңесшісі, «ҚазМұнайГаз ҰК» ЖАҚ-ның президент аппаратының басшысы

2003-2004 жж. - «Рауан Медиа Групп» АҚ-ның бас директоры. 2004 жылдың мамыр-шілде айлары «Отан» Республикалық политикалық партиясының, орталық аппарат басшысының бірінші орынбасары.

2004-2005 жж. жылдары «ҚазМұнайГаз ҰК» президентінің аппарат басшысы.

2005-2006 жж. - «Атамекен жалпыұлттық кәсіпкерлер мен жұмыс берушілер одағы» заңды тұлғалар бірлестігінің, атқарушы директорының бірінші орынбасары.

2006-2007 жж. - «Отан Республикалық политикалық партиясы» қоғамдық бірлестігінің орталық аппарат басшысы.

2007 жылдың ақпан-маусым айлары «Беркут» қаржы өнеркәсіп тобының директоры.

2007-2008 жж. - «KazEnergy Қазақстандық мұнайгаз және энергетикалық ұйымдарқауымдастығы» заңды тұлғалар бірлестігінің атқарушы директоры.

2008-2009 жж. - «Рауан Медиа Групп» АҚ-ның бас директоры.

2009-2010 жж. - «Ертіс қоғамдық-кәсіптік корпорация» Ұлттық компаниясының басқарма төрағасы.

2010-2014 жж. - ШҚО әкімінің бірінші орынбасары.

2014-2016 жж. – Ауылшаруашылық министрлігінің вице-министрі.

2016-2018 жж. - Ауылшаруашылық министрлігінің жауапты хатшысы.

2018-2019 жж. - Қазақстан Республикасының Сыртқы істер министрлігінің жауапты хатшысы.

2019 жылдан бастап - Қазақстан Республикасы Сыртқы істер министрінің орынбасары.

Дипломатиялық дәрежесі I-сыныпты кеңесші.

Үйленген, 2 баласы бар.

ЖАУАПТЫ ХАТШЫ

СЕЙТІМОВ НҰРЛАН МҰСАТАЙҰЛЫ

1964 жылы Алматы облысында дүниеге келген.


Білімі: ҚазМУ-дың заң факультетін, Ресей Федерациясының СІМ Дипломатиялық академиясының «Халықаралық қатынастар» факультетін бітірген.

КСРО Қарулы күштерінің қатарында қызмет етіп, қоғамдық және коммерциялық ұйымдарда жұмыс атқарған. ҚР СІМ жүйесінде 1994 жылдан бастап жұмыс істейді. ҚР СІМ Дипломатиялық өкілдіктермен жұмыс департаментінде маман (1994-1996), ҚР ГФР Елшілігінің бөлімшесінде үшінші хатшы, ҚР СІМ Консілдық қызмет департаментінің екінші хатшысы, бөлім бастығы (1997-2000), ҚР Майндағы Франкфурт қаласындағы Бас консулдығының консулы, ҚР Ганновер қаласындағы консулдығының консулы (2000-2004).

2004-2007 жж. – ҚР СІМ ТМД департаментінің бөлім бастығы, басқарма бастығы, Департамент директорының орынбасары.

2007-2010 жж. – ҚР Президенті Әкімшілігі Сыртқы саясат орталығының бас инспекторы, меңгерушінің орынбасары.

2010-2013 жж. – ҚР Ресейдегі Елшілігінің кеңесші-уәкілі.

2013-2016 жж. – ҚР Майндағы Франкфурт қаласындағы Бас консулы.

2016-2019 жж. – Қазақстанның Тәжікстандағы Төтенше және Өкілетті Елшісі.

2019 жылғы 17 қаңтардан бастап - Қазақстан Республикасы Сыртқы істер министрлігінің Жауапты хатшысы.

Дипломатиялық дәрежесі: II сыныпты Төтенше және Өкілетті Уәкіл.
Қосылған : 30.05.2017, 00:00, Өзгертілген : 26.03.2019, 12:25