Алматыдан Жиддаға бірінші тікелей әуерейсі орындалды

2019 жылғы 30 қарашада Қазақстан Республикасының Жидда қаласындағы (Сауд Арабиясы Корольдігі) Бас консулдығының дипломаттары Король Әбдел Азиз атындағы Жидда қаласының халықаралық әуежайында бортында 112 жолаушысы бар отандық SCAT әуекомпаниясының «Алматы-Жидда» бағыты бойынша орындаған бірінші рейсін күтіп алды.

SCAT басшылығының ақпаратына сәйкес, аталған әуекомпания Алматыдан Сауд Арабиясының қалалары - Жидда мен Мединаға аптасына екі мәрте - сәйкесінше, әр сенбі және сәрсенбі күндері тұрақты түрде тікелей ұшуларды жоспарлап отыр.

Қосылған : 1.12.2019, 09:00, Өзгертілген : 1.12.2019, 09:00