Қазақстан Республикасы мен Канада арасындағы қатынастар

Қазақстан Республикасы мен Канада арасындағы дипломатиялық қарым-қатынастар 1992 ж. 10 сәуірде орнатылды.

Қазақстан Республикасының Канададағы Елшісі А.Қамалдинов (2018 ж. бастап).

Қазақстан Республикасындағы Канада Елшісі Н.Бруссо (2017 ж. бастап).

Қазақстан Канадамен саяси диалогты, үкіметаралық байланыстарды, сауда-экономикалық және гуманитарлық байланыстарды дәйекті түрде нығайтып келеді. Ауыл шаруашылғы және уран өндірісін қамтитын дәстүрлі салалардағы әріптестікті нығайтумен қатар, Қазақстан және Канада екіжақты ынтымақтастықты әртараптандыруға талпынып келеді. Кәсіптік-техникалық білім беру, бюджеттік басқару және мемлекеттік қызмет секілді салаларда Канадамен тәжірибе алмасу және зерттеу диалогтың маңызды бағыты болып табылады.

Қазақстан мен Канаданың ынтымақтастығы халықаралық аренада табысты дамып келеді. Ядролық қаруды таратпау, халықаралық терроризммен күрес, сондай-ақ Ауғанстанды тұрақтандыру және қайта қалпына келтіру саласындағы шараларды қабылдаумен байланысты көптеген өзекті мәселелерде ҚР мен Канаданың көзқарастары бір-біріне сәйкес келеді.

2003 ж. ҚР Президенті Н.Назарбаевтың Канададағы ресми сапары өтті, ол екіжақты қарым-қатынастардың дамуына маңызды серпін берді.

2018 ж. 3-5 желтоқсанда Канаданың Генерал-губернаторы Ж. Пайетт Қазақстанға бірінші жұмыс сапарымен келді.

Жоғары және жоғары деңгейдегі кездесулер ірі халықаралық іс-шаралар аясында өткізіледі. ҚР Президенті Н. Назарбаев 2010 ж. Лиссабонда өткен НАТО саммитіне және 2013 ж. Санкт-Петербургте өткен "G20" саммитіне қатысу шеңберінде Канаданың Премьер-министрі С. Харпермен, сондай-ақ 2016 ж. Ханчжоудағы "G20" саммитінің аясында Канаданың Премьер-министрі Дж.Трюдомен кездесті.

2013 ж. Канаданың Сыртқы істер министрі Дж.Бэрд Қазақстанға сапармен келді. Қазақстан мен Канаданың Сыртқы істер министрлерінің кездесулері ЕҚЫҰ, ИЫҰ және БҰҰ Бас Ассамблеясының 2015, 2016 және 2018 жж өтті.

Парламентаралық ынтымақтастық Қазақстандық-канадалық қарым-қатынастардың маңызын құрайды. Оның дамуына екі елдің парламенттеріндегі парламентаралық «достас топтардың» жұмысы және парламенттік делегациялардың сапар алмасулары ықпал етеді. ҚР Парламентінің делегациясы Парламент Мәжілісінің Төрағасы Н.Нығматуллинның басшылығымен 2012 ж. Парламентаралық одақтың 127-ші Ассамблеясына қатысу барысында Канадаға сапармен барды. Канада Парламентінің делегациясы 2014 және 2016 жж. сапарлармен Қазақстанға келді.

Қазақстандық-канадалық ынтымақтастықтың шарттық-құқықтық базасы экономикалық ынтымақтастық және өзара қарым-қатынастардың қағидалары туралы декларациядан, өзара сауда жөніндегі Келісім, қосарланған салуды болдырмау туралы Шарт, атом энергиясын бейбіт қолдану саласындағы Келісім, сондай-ақ бірқатар ведомствааралық меморандумдардан тұрады.

Іскер әріптестік ҚР мен Канада арасындағы екіжақты қарым-қатынастардың маңызды қозғалтқышы болып табылады. ҚР мен Канада арасындағы тауар айналымы 2018 ж. 255,4 млн. АҚШ долларын, оның ішінде экспорт – 145,8 млн. АҚШ доллары, импорт – 109,6 млн. АҚШ долларын құрады. 2005 ж. бастап Канададан Қазақстанға ТШИ жалпы көлемі 4,6 млрд. АҚШ доллардан асты. 2018 ж. қорытындысы бойынша ҚР-дағы тікелей канадалық инвестициялар көлемі 182 млн. АҚШ доллардан асты. Екіжақты іскер әріптестікті нығайту үшін 2016 ж. Қазақстан-канадалық іскер кеңесі құрылды.

Қосылған : 27.05.2015, 12:39, Өзгертілген : 25.07.2019, 16:20